कालिकोट जिल्ला तिलागुफा नगरपालिकाका प्रमुख तथा स्थानिय विपद् व्यवस्थापन समितिका अध्यक्ष श्री शंकर प्रसाद उपाध्यायको प्रमुख आतिथ्यतामा नेपाल रेडक्रस सोसाईटी,कालिकोट,कारितास जर्मनी,कारितास नेपाल र पेस नेपालको सहकार्यमा तिलागुफा नगरपालिकाको खुला मञ्चमा आगलागी तथा बिपद सम्बन्धी कृत्रिम घटना अभ्यास कार्यक्रम सम्पन्न भएको छ । उक्त घटना अभ्यासमा कृतिम रुपमा आगलागी र भुकम्पबाट हुनसक्ने क्षतीको सुचना संकलन,योजना निर्माण सहित योजना निर्माण समेत गरिएको थियो । घरायसी भान्सामा प्रयोग हुने ग्याँस सिलिन्डर चुहावटबाट हुन सक्ने आगलागी र सोको नियन्त्रणका उपाय, बिपदको समयमा स्थानिय गाउँ बस्तीमा विद्युत सर्किटबाट हुनसक्ने आगलागीका कारण हुने मानवीय क्षति, पशुचौपाया लगायत धनजनको क्षतिलाई कम गर्न र आगलागी नियन्त्रण, घाइतेको उद्धार तथा प्राथमिक उपचार लगायत विविध विषयमा कला कौशल प्रर्दशन गरी कृत्रिम घटना अभ्यास प्रर्दशन गरिएको थियो ।
उक्त घटना अभ्यास कार्यक्रममा तिलागुफा नगरपालिकाका उप प्रमुख, प्रशासकिय अधिकृत,नेपाल रेडक्रस सोसाइटी महामन्त्री,बिपद प्रमुख, पेस नेपालका कार्यक्रम संयोजक,गाल्जे प्रहरी चौकी प्रमुख लगायत स्थानिय विपद् व्यवस्थापन समितिका विभिन्न सदस्यहरु सहित ७ वटा क्लष्टरका प्रमुखको समेत उपस्थिति रहेको थियो । साथै कार्यक्रममा बिपद कार्यदल,प्राथमिक उपचार टिमले घटना अभ्यासमा महत्वपूर्ण भूमिका प्रदान गरेको थियो । कृतिम अभ्यास कार्यक्रममा स्थानिय बासिन्दाको उल्लेखनिय उपस्थिती रहेको थियो । विपद्को समयमा आइपर्ने घटनालाई व्यवस्थापन गर्नको लागि कृत्रिम घटना अभ्यासले समन्वय र सहकार्यमा विपद् प्रतिकार्य गर्न सहज हुने पेस नेपालका कार्यक्रम संयोजक नारद रेग्मीले चन्दननाथ अनलाईन खबरलाई बताउनु भएको छ ।
प्रकाशित मिति : २०८२ कात्तिक २५ गते मंगलबार
प्रतिक्रिया दिनुहोस्